نمل پاکستانی یوتھ اتےبین الاقوامی کمیونٹی وچال پل دا کردار ادا کریندی پی اے، وفاقی وزیر ڈاکٹر احسن اقبال دا نمل اچ ریسرچ اینڈ ڈویلپمنٹ بلاک دے افتتاح دے موقع تے ڳالھ مہاڑ

اسلام آباد۔9مئی (اے پی پی) وفاقی وزیر برائے منصوبہ بندی تے ترقی ڈاکٹر احسن اقبال آکھیا جو نمل پاکستانی یوتھ اتےبین الاقوامی کمیونٹی وچال پل دا کردار ادا کریندی پی اے۔ اے ڳالھیں انہاں نیشنل یونیورسٹی آف ماڈرن لینگویجز (نمل) اچ ریسرچ اینڈ ڈویلپمنٹ بلاک دا افتتاح کریندیں ہوئیں آکھی۔ ایں موقع تے چیئر مین ہائر ایجوکیشن کمیشن ڈاکٹر مختار احمد ، ریکٹر نمل میجر جنرل (ر) محمد جعفر اتے ٻے موجود ہن۔ وفاقی وزیر آکھیا جو نمل زباناں دی تعلیم دے ذریعے پاکستانی یوتھ اتے بین الاقوامی کمیونٹی وچال پل دا کردار ادا کریندی پی اے۔ انہاں نینگراں کوں ہائر ایجوکیشن دی سہولیات ݙیوݨ دی اہمیت تے زور ݙتا اتے اپݨی حکومت دی انفراسٹرکچر ڈویلپمنٹ، سکل ڈویلپمنٹ اتے تعلیم دے ودھارے بارے ترجیحات ݙسائی۔

مضمون کا ماخذ : sorteios quina

متعلقہ مضامین