وزیراعظم شاہد خاقان عباسی دی نائب امریکی صدر مائیک پنس نال ملاقات
APP09-20
NEW YORK: September 20 - Prime Minister Shahid Khaqan Abbasi meets US Vice President Michael Richard Pence on the sidelines of 72nd session of UN General Assembly. APP
پاکستان خطے توں دہشت گردی دے خاتمے سانگے پرعزم ہے، دہشت گردی دے خلاف تعاون جاری رکھیسوں، پاکستان دہشت گردی دے خلاف جنگ اچ ودھ سارا ضیان چاتا ہے ،دہشت گردی دے خلاف جنگ اچ پاکستان عالمی اتحاد دا حصہ ہے ،وزیراعظم
امریکا پاکستان نال تعلقات کو ں بہوں اہمیت ڈیندا ہے تے امن تے سلامتی سانگے پاکستان تے نال رل تے کم کرنڑ چاہندوں
، امریکا پاکستان نال لمبی مدت تے شراکت داری چاہندا ہے ،پاکستان دے نال چنگے تعلقات سانگے نویں رستے تلاش کریندے پیوں ، نائب امریکی صدر
نیویارک ۔ 20 ستمبر (اے پی پی) وزیراعظم شاہد خاقان عباسی نائب امریکی صدر مائیک پنس نال منگل کوں ملاقات کیتی جیں اچ سانجھی دلچسپی دے امور تے تبادلہ خیال کیتا گیا ۔ذرائع ابلاغ دے مطابق ایں موقع تے وزیراعظم شاہد خاقان عباسی آکھیا جو پاکستان خطے توں دہشت گردی دے خاتمے سانگے پر عزم ہے ۔دہشت گردی دے خلاف تعاون جاری رکھیسوں ۔پاکستان دہشت گردی دے خلاف جنگ اچ ودھ سارا ضیان چاتا ہے ۔دہشت گردی دے خلاف جنگ اچ پاکستان عالمی اتحا د دا حصہ ہے ۔انہاں آکھیا جو امریکہ توں دہشت گردی دے خلاف جنگ تے بئے امور تے گالھ مہاڑ کرنڑ چاہندوں ۔ایں موقع تے امریکی نائب صدر مائیک پنس وزیراعظم شاہد خاقان عباسی دی آمد تے انہاں دا شکریہ ادا کیتا تے آکھیا جو امریکہ پاکستان دے نال تعلقات کوں بہوں اہمیت ڈیندا ہے خطے اچ امن تے سلامتی سانگے پاکستان نال رل تے کم کرنڑ چاہندوں ۔امریکہ پاکستان توں لمبی مدت دی شراکت داری چاہندا ہے ۔پاکستان دے نال چنگے تعلقات سانگے نویں رستے تلاش کریندے پیوں ۔ وزیراعظم شاہد خاقان عباسی دی نائب امریکی صدر مائیک پنس نال ملاقات دے موقع تے وزیر خارجہ خواجہ محمد آصف، سیکرٹری خارجہ تہمینہ جنجوعہ، اقوام متحدہ اچ پاکستان دی مستقل مندوب ڈاکٹر ملیحہ لودھی، امریکا اچ پاکستان دے سفیر اعزاز چوہدری اتے فواد حسن فوادوی موجود ہن ۔ امریکی وفد اچ جنوبی ایشیا سانگے امریکی نائب وزیر خارجہ ایلس ویلز وائٹ ہاﺅس اچ قومی سلامتی دی ڈائریکٹر پاکستان تے افغانستان وی شامل ہن۔
