اسلام آباد۔26جولائی(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو وزیراعلیٰ خیبر پختونخوا دے بیانات تضادات دا مجموعہ ہین، او اجلاساں اچ کڄھ اتے جلسیاں اچ کڄھ ٻیا آہدن جو انہاں کوں اڈیالہ جیل اچ وی ولدا ݙیوݨا ہوندے، جماعت اسلامی دا لیاقت باغ اچ جلسہ طے کرݨ دے باوجود اسلام آباد ونڄݨ سمڄھ نئیں آندا، جماعت اسلامی نال الاوݨ کوں تیار ہیں۔ اسلام آباد اچ وفاقی وزیر انجینئر امیر مقام نال پریس کانفرنس کریندے انہاں آکھیا جو طالبان کوں کوں ولا ڳھن آوݨ آلے آہدن جو آپریشن نہ تھیوݨ ݙیسوں، ول آہدن جو حالات ٹھیک کر ڳھنسوں، آخر اے چاہندے کیا ہین؟ وفاقی وزیر آکھیا جو خیبر پختونخوا اچ وݨ کپݨ دا سکینڈل سامݨے آئے، وزیراعلیٰ کوں جلسے اچ اے وی ݙساوݨا چاہیدا ہا جو انہاں ٹمبر مافیا دے خلاف کیا کیتے؟ خیبر پختونخوا حکومت آرٹیفیشل انٹیلی جنس بارے طلباء دی تربیت کیتے ہک جعلی ادارے نال معاہدہ کیتے، صوبائی حکومت آرٹیفیشل انٹیلی جنس دا جعلی معاہدہ اتے کوانٹم ڈپلومہ شروع کر تے ہزاراں طلباء کو بے وقوف ٻݨیدی پئی اے، درخت کٹݨ دا سکینڈل اتے ایںجھے جعلی معاہدے چنتے دی ڳالھ اے جیندی تحقیقات تھیوݨی چاہیدی اے۔ وفاقی وزیر اطلاعات آکھیا جو جماعت اسلامی کوں لیاقت باغ اچ جلسے دی اجازت ݙتی گئی ہئی، ایندے بعد اسلام آباد ونڄݨ سمجھ توں باھرو اے?? روز ݙیہاڑے کوئی نہ کوئی گروہ سڑک بلاک کرݙیندے جیندے نال لوک اوکھے تھیندن، ٻھل جماعت اسلامی دے قائدین قابل احترام ہین، حکومت انہاں نال مذاکرات کیتے ٹیم ٻݨاوݨ کوں تیار اے، ساݙے در ہر ویلھے کھلے ہین، ملکی بقا اتے ترقی کتیے رل مل تے ٹرݨا ہوسی، ساݙا مقصد ملک دے مسلیاں کوں مکاوݨ اے۔ انہاں آکھیا جو اساں مل ٻیھ تے مسلیاں دا حل چاہندے ہیں ٻھل لوکاں کوں اوکھا کرݨ دی بالکل اجازت نا ݙتی ویسی، حافظ نعیم الرحمان رہنمائی کرن جو ملک اچ بہتری کیویں ڳھن آئی ونڄ سڳدی اے، جائز مطالبات تے عمل کرݨ دی پوری کوشش کریسوں۔ وزیراعظم شہباز شریف اکنامک ریفارمز ایجنڈے تے عمل کریندے پن جیندے چنڳے نتیجے نکلدے پن، بجلی صارفین کوں ضرور سوکھ ݙتا ویسی، پی ایس ڈی پی اچ 200 ارب روپے دی کٹوتی کیتی گئی اے تاں جو لوکاں کوں وادھو ٹیکس نہ ݙیوݨا پووے۔ وفاقی وزیر اطلاعات آکھیا جو 2018 اچ مسلم لیگ (ن) ہک ترقی کریندا ملک چھوڑ ڳئی ہئی ٻھل ایندے چار بعد ہک وی ترقیاتی کم نئیں تھیا، ہک ڄݨا ملک کوں قرضیاں وات کر تے سکینڈل ٻمیدا تے گھڑیاں وچیندا رہے، اتے ملک ݙیوالا تھیوݨ تے آ ڳئے۔ ہک واری ول ساݙی حکومت آ تے ملک کوں معاشی ترقی دی راہ تے سٹیے اتے جیندے کیتے آرمی چیف اتے عبوری حکومت دا ٻہوں وݙا کردار اے، اڄ مہانڳ ڳھٹیے، سرمایہ کاری، صنعتی ترقی ودھی اے، دوست ملک ولا رابطیاں اچ آندے پن، آئی ایم ایف معاہدے دے بعد سٹاک ایکسچینج اچ تیزی آئی اے، معاشی اشاریے بہتر تھیندے پن۔ وفاقی وزیر آکھیا جو ڈی چوک حساس اتے اہم علاقہ اے جتھاں کہیں کوں وی دھرنے دی اجازت نئیں ݙتی ونڄ سڳدی، ڈی چوک اچ دھرنیاں دی ریت مکاوݨی ہوسی، چاہندے ہیں جو معاملات پر??من طریقے نال حل تھیون۔ انہاں آکھیا جو پی ٹی آئی دے ٻکھ ہڑتالی کیمپ اچ بندے پورے نعٰں پئے تھیندے، آہدے ٻکھ ہڑتال ہین اتے پارلیمنٹ دے کیفے ٹیریا اچ ٹکر ونڄ کھاندن، انہاں کوں نا ٻکھ اے نا ہڑتال۔
