پاک چین کثیر جہتی تعلقات پاروں دفاع ،معیشت ثقافت اتے تعلیم دے شعبے اچ ودھارا ڈیکھنڑ اچ امدا پئے ، چین اچ پاکستان دے سفیر مسعود خالد

اسلام آباد ۔ 18 مئی (اے پی پی)چین اچ پاکستان دے سفیر مسعود خالد آکھیا ہے جو پاک چین کثیر جہتی تعلقات پاروں دفاع ،معیشت ثقافت اتے تعلیم دے شعبے اچ ودھارا ڈیکھنڑ اچ امدا پئے اتے مستقبل اچ ڈوہیں ملک انہاںشعبیں اچ مزید ودھارے دے خواہشمند ہن ،ریڈیو پاکستان نال گالھ مہاڑ کریندے ہوئیں انھاں آکھیا جو ڈوہیں ملک دے رہنما پاک چین اقتصادی راہداری کوںدرپیش سیکورٹی دے مسئلے کوں گھٹ کرنڑ سانگے کوشاں ہن کیوں جو اے منصوبہ ڈوہیں ملکاں سمیت خطے دے بئے ملکاں سانگے گیم چینجر ثابت تھیسی ۔مسعود خالد آکھیا جو چینی قیادت پاکستانی فوج ولوں دہشت گردی دے خلاف حاصل کامیابیاں اتے اپریشن ضرب عضب دے اہداف حاصل کرنڑ اتے عظیم قربانیاں دی مترادف ہے اتے ڈوہیں ملکاں رل تے دہشت گردی اتے انہتا پسنداں دے خلاف تعاون جاری رکھے ہوئے ہے انھاں آکھیا جو ڈوہیں ملکاں وچال دفاعی منصوبیں اعلیٰ مثال پاک چین مشترکہ کاوشاں نال تیار کیتا ونجنڑ آلا جے ایف تھنڈر 17چین ولوں پاک بحریہ کوں ڈتا گیا نیول فریگٹس ثابت کریندے ہن جو ڈوہیں ملکاں دفاع دے شعبے اچ تعاون جاری رکھیا ہو یا ہے ۔

مضمون کا ماخذ : آن لائن لاٹری ویب سائٹ

متعلقہ مضامین