وزیراعظم نال بیرک گولڈ کمپنی دے وفد دی ملاقات

APP44-220324 ISLAMABAD: March 22 - Chief Executive Officer of Barrick Gold, Mark Bristow along with a delegation calls on Prime Minister Muhammad Shehbaz Sharif. APP/ABB

اسلام آباد۔22مارچ(اے پی پی)وزیراعظم محمد شہباز شریف آکھیے جو حکومت سرمایہ کاراں دی سہولت کیتے ہرممکن اقدامات کریندی پئی اے، ریکوڈک منصوبہ بلوچستان اتے علاقے دی ترقی کیتے گیم چینجر ثابت تھیسی جیندے نال صوبے دی ترقی اتے خوشحالی دا نواں دور آسی۔ اے ڳالھ انہاں اسلام آباد اچ بیرک گولڈ کمپنی دے چیف ایگزیکٹو آفیسر مارک برسٹوو دی اڳواݨی اچ کمپنی دے وفد نال الیندے آکھی۔ ملاقات اچ وفاقی وزیر پٹرولیم مصدق ملک، وفاقی وزیر قانون و انصاف اعظم نذیر تارڑ، ڈپٹی چیئرمین پلاننگ کمیشن محمد جہانزیب اتے متعلقہ اعلیٰ سرکاری افسران وی موجود ہن۔ وزیراعظم آکھیے جو بلوچستان اچ معدنیات توں فیدہ چاوݨ کیتے مواصلات دے انفراسٹرکچر، خصوصاً ریلوے لائن سانڳے منصوبہ سازی کیتی ونڄے۔ انہاں کمپنی کوں بلوچستان اچ معدنیات دے ٻئے منصوبیاں اچ سرمایہ کاری دی دعوت ݙتی جو او ضلع چاغی اچ ٹیکنیکل یونیورسٹی دے قیام، سڑکاں اتے مواصلات دے بہتر نظام دے منصوبیاں اچ ہتھ ونݙاون۔ بیرک گولڈ وفد وزیراعظم کوں ریکو ڈک منصوبے تے اڳونہی ݙتی۔

مضمون کا ماخذ : میگا مولا۔

متعلقہ مضامین